Det er ikkje mine sko du ser

Eg har oppretta ein forfattarblogg som sjølvsagt er på #Vivaldi. Besøk meg på https://poettonebakke.vivaldi.net for nyhende om Det er ikkje mine sko du ser, og kanskje også framtidige utgjevingar. 📚

Her er innhaldet på standen min til utstillinga ViErMer i Bergen i haust. Dette er ei utstilling der folk med ME kan vise fram kreativiteten sin. Skulle gjerne vore der sjølv og blitt kjend med dei andre utstillarane og dei besøkande, men å kunne sende ned ein stand er det nest beste. Dei som tek i mot pakken som eg sender dit, set opp standen for meg. Slik får også dei som ikkje kan stille sjølv, høve til å delta på utstillinga.

Er spent på kor stor del av pakken eg får i retur. Ev. sal vert donert direkte til ME-forsking ved Haukeland, so eg håpar at mest mogleg vert selt.

Dikta eg plukka ut til innramming, er titteldiktet Det er ikkje mine sko du ser, og Fatigue frå diktsamlinga mi.

Har også lagt ved to ME-relaterte kronikkar eg har skrive: Det kjennest som ein ulovleg luksus, som var i BT i fjor haust om BPA-ordninga, og Takk for at du dreg lasset, helsing lasset, som sto på trykk i Firda, Firdaposten og Fjordenes Tidende i mai i fjor.

#pwME #ViErMEr

eg bakte meg inn i navnet hens
lot vokalane våre smelte saman
nærare enn ved berøring stod vi
to hjarter fråskilt i rom

----

Frå diktsamlinga Det er ikkje mine sko du ser, Publica Forlag, 2024

#kjærleik #kjærlighet #diktPåNynorsk #dikt #diktPåNorsk #pride

shoppestopp med stoppesopp
eg stoppar opp min shoppeflopp
for mykje, for billeg, for dårleg, for dyrt
for miljøet, for dyrt
for vatnet, for dyrt
for lufta, for dyrt
for hender som syr det ihop
hender som knapt har råd til å ete
hender som jobbar som slavar, må vete
hender som dagar og netter må streve i veg
hender med rettar som ikkje vert gjeve dei
hender med andlet som vi ikkje kjenner
andlet som gret med ihopbitne tenner
det er ikkje verdt det
dei billege kleda
usynleg dyre menneskeskjebnar
shoppestopp med stoppesopp
eg stoppar opp min shoppeflopp

#underforbruk #kjøpestopp #shoppestopp #nobuy #underconsumptionCore #nospend
#whoMadeMyClothes #visibleMend #mending #stoppesopp #ForbyTemu

Tysdag 11. februar kl. 11 vert eg å treffe på Førde bibliotek! Det vil verte ei hyggeleg stund der biblioteket snakkar med meg om diktsamlinga Det er ikkje mine sko du ser, som er nominert til pris for årets favorittlyrikkdebutant for 2023 og 2024. Nokre av dikta vert opplesne, og det vert moglegheit for å kjøpe signert eksemplar av boka for dei som ynskjer det. Kom om du kan, dette vert kjekt! Gratis inngang.

mørkret tetnar kring det kvite huset
demogogen er attende, valt inn
eit demokrati, ja, men på kva grunnlag?
alternative fakta i sosiale media, støtta av avhengigheitsskapande raudpillefiserande algoritmer for konsumentane, lemena, sauene, som har slutta å lese nyhende frå redaktørstyrte media sidan dei no tenkjer sjølv og sluker nyklekte konspirasjonsteoriar som nysteikt kveitebrød, som stadig aktiverar amygdala og gjev ei forførande kjensle av å tilhøyre ein elite som veit og forstår kva som eigentleg føregår, det er dei mot oss, mørkre mot lys, Tykjen mot Gud, det er å opphøge, vente på og framskunde armageddon og undergongen for andre folkeslag
eit demokrati, ja, i teorien, men kor lenge vil dei fortsetje å framstå som det, vil det snarleg ta form som autokrati, meritokrati, oligarki, plutokrati, timokrati? Kven vert fyrst til mars? Kven kontrollerer tidsanda? Kven formar verda vår?

#dikt #diktpånorsk #diktpånynorsk #demokrati

ST: Eg har på ei svart ull-tskjorte, og briller med svart innramming. Venstre arm lenar seg på den burgunderraude chesterfieldstolen, med ein hauggamal modell av apple watch og eit armbånd med symbolet for det beskyttande onde auget frå middelhavslanda, ei gåve frå tenåringsdotra mi. (1/2)

ein av nyttårsdagane
eg set meg ned med ein kopp nytrekt chaga og ser ut på det skymande, nysnødekte landskapet med lysdraperte utomhusjuletre og tenkjer på forfedrene og formødrene
takk, tenkjer eg, og skålar for dei alle og lét bjørkekjuka gjere sitt innvortes
takk, og måtte eg verte fylt av det same livsmotet som de må ha hatt slik at eg vinn i å bakkestarte dette året før det rekk å velte meg overende, og litt fandenivoldsk, illsint staheit er heller ikkje å forakte

#dikt #poesi #nynorsk #chaga #kurinuki #tea #runesanger

Foto: chaga i ein kurinuki-kopp i grov, betonggrå steingods, glasert med lav-inspirerte detaljar og metallfarga tonar som skapar eit gjengrodd, organisk uttrykk. Kurinuki er ein japansk teknikk der koppen vert forma ved å skjære leire ut av ein leireklump, som gjev eit unikt og naturleg preg. Handlaga av ig @ lofblad.ceramic . (1/2)

@markus@skvip.lol Takk! 😄

@eivindmork@snabelen.no Takk! 😄

Stor takk til forlaget mitt Forlagshuset Vest som har nominert meg til prisen favorittlyrikkdebutant for 2023 og 2024 😍🙏

Norsk Forfattersentrum Midt-Norge arrangerar annankvart år Æ Å Trondheim litteraturfestival. Under festivalen kårar kunstnerisk råd sin favorittlyrikkdebutant. Komande festival er lagt til 2.-4. mai 2025.

Det gjenstår imidlertid å sjå om eg kjem med på festivalen si offisielle nominasjonsliste, men berre det å verte nominert i utgangspunktet er stor stas og veldig artig.

I dag, 16. november, er FN sin dag for toleranse, Den Internasjonale Toleransedagen.

På FN sine nettsider, står det:
«I ei mangfaldig verd der ulike folk og individ flyttar på seg, lever saman og er avhengig av kvarandre, er toleranse essensielt for at eit samfunn skal lukkast. Toleranse er ei motvekt til rasisme og valdeleg ekstremisme.»

ja, eg er her eg også
og tek opp omtrent like mykje rom som du

ser du meg, eigentleg, eller er du hilda, og ser kun noko framand du ikkje tør verte betre kjend med?

eg er ikkje høyrselshjelpemidla mine, teiknspråket mitt
eg er ikkje synshjelpemidla mine, blindestokken min
eg er ikkje framkomsthjelpemidla mine, protesene mine
eg er ikkje stimminga mi, stotringa mi, ticsa mine, høyrselsvernet i bybiletet
eg er ikkje legninga mi, kjønnsidentiteten min
eg er ikkje morsmålet mitt, kulturen min som eg tok med meg hit og som du ikkje kjenner eller forstår

hjartet mitt bankar likt som ditt
ser du meg, eigentleg?
maktar du å sjå forbi det som gjer deg usikker?

#DenInternasjonaleToleransedagen

eg er ikkje singel
eg er makelaus
ja, rett og slett eineståande

#SinglesDay

Eit ordlaust dikt. ❤️

#dikt #kjærleik #kjærleiksdikt

Eg skriv om BPA som samfunnsressurs i Firdaposten i dag.

https://www.firdaposten.no/bpa-ein-samfunnsressurs/o/5-16-852449

#pwME #BPA #NorskTut

Her er forfattarintervjuet med forlaget mitt. Det vart veldig fint, tykkjer eg! 🤓📖

https://www.diktboka.no/post/et-unikt-innblikk-i-livet-med-me

syng til meg
lauvet sin voggesong

når vinden kviskrar
forbi stova mi

når regnet piskar
på vindauget mitt

når mørkret tetnar kring dei høge fjella
og lyset ikkje kan skimtast før dagen gryr på ny

syng til meg då
lauvet sin voggesong

den mjuke låten
som varsamt kjærteiknar bakken

når vinden løftar det langsetter granittbrusteinane
og lauvet dansar piruett på gata mi

syng til meg, då
lauvet sin voggesong

når vinden kviskrar
forbi stova mi

når regnet piskar
på vindauget mitt

når mørkret tetnar kring dei høge fjella
og lyset kun er vorte minne

syng til meg
lauvet sin voggesong

og lat meg sovne
i fanget ditt

#dikt #poesi #haust #høst #höst #syksy

Dette diktet om skeiv bygdekjærleik er til minne om alle skeive opp gjennom historia som ikkje har kunna leve ut legninga si grunna sosial kontroll frå lokalsamfunnet sitt. Mange skjebnar har hatt tunge løyndomar som dei har bært med seg åleine til grava.

Hurra for Pride! 🏳️‍🌈

Diktet finn de i diktsamlinga Det er ikkje mine sko du ser.

#sofjopride #pride #bygdepride