Post #619040
2026-03-10 07:11 UTC
#dzienzwierszem 1/2
Siedzóm starzik na nolepie, czoło sie im chmurzi
Fajeczke se dzierżóm w zębach choć sie z nij nie kurzi.
Każdy wieczór po robocie radzi popejakóm
Jyny dzisio jak na ujme tabaki nimajóm.
Tóż markotnie narzykajóm, lutujóm sie starce,
Że już dłógo nóm nie bedóm drótowali garce.
Że ta z kosóm ich zebiere kajsi w lepsze kraje,
Kaj mieć bedóm tabaczeczki wiecznie pełnóm faje.
I tak mi ich żol zabyło w tej wieczornej chwili,
Że mi sie aż łzy puściły, kiedy tak prawili.
“Och woloł bych cały tydziyń jeść codziynnie kwaki
Żeby jyny w pacharzinie mieć kapeczke tabaki.”
Replies (1)
-
@TaS@mastodonczech.cz 2026-03-10 07:12
#dzienzwierszem 2/2 Kiedy to starka usłyszeli, aż sie uśmiychnyli, I ze swoji starej trówły suknie wyciągnyli. “Móm tu kansi przeciw molóm kapeczke tabaki, Tóż se jóm weż ty cudoku kiedyś kurzok taki. Jyny jak mi podziurawióm moliska tóm suknie Z żalu bedym tak banować aż mi serce puknie.” A starzika aż zaciyno z tej wielki radości. Porwoł starke i uściskoł aż trzeszczały kości. “Och Terezko!” Powiadają szkrobiąc sie po głowie. “Cóż ci tam po dobrej sukni na szarym kierchowie.” Siedzóm starzik na nolepie, radość w oczach majóm I z fajeczki zakopcianej pieknie se pekajóm. Wawrosz, Bez tabaki