Post #3665085

這站仔新聞捷看--著 ê 新詞「苯駢芘」，誠好玄臺語新聞按怎發落。上 YouTube 搜揣，拄開始主播敢若攏先跳過這 ê 詞，無著唸華語音，過--幾工仔才開始聽著臺語音。 👉🏻 公視台語台新聞 🔸 2026.07.02 → 唸華語 ▶️ https://youtu.be/Hg8hz4CJi6Y?t=29 ▶️ https://youtu.be/h3V2PQA9-OU?t=46 🔸 2026.07.03 → 唸華語 ▶️ https://youtu.be/QlYFabrqm1Y?t=2 🔸 2026.07.04 → 文稿寫「苯1駢7芘2」，pún-piân-pí，照優勢腔變調 [pun44.pen33.pi51] ▶️ https://youtu.be/Affbf9zdNIo 🔸 2026.07.06 → 文稿寫 pún-piân-pì，主播唸 [pun44.pen31.pi51]，過帶唸 [pun44.pen33.pi31] ▶️ https://youtu.be/3R-gP5E7vxg 🔸 2026.07.07 → 唸華語 ▶️ https://youtu.be/k5f-eai17_Y?t=51 👉🏻 華視台語新聞 🔸 2026.07.02 → 唸華語 ▶️ https://youtu.be/Q7GsrwCskH0?t=36 🔸 2026.07.03 → 過帶唸 pún-piân-pí [pun44.pen33.pi51]，這號過帶不止仔 tuan-tiah，連「to-khuân-hong-hiong-king（多環芳香烴）」都有塊聽 ▶️ https://youtu.be/ztE4X_s59Es?t=136 🔸 2026.07.06 → pún-piân-pì，臺北腔變調 [pun44.pen31.pi31] ▶️ https://youtu.be/Clsmvf3iqbY?t=33 我咧想，「苯 pún」kap「駢 piân」這兩字應當無啥問題，較有精差 ê 是「芘」。 傳統《甘字典》是收「pì」 ê 音，毋閣像「母語ê/gǎi醫學」著寫著「pî/pī」這號音，毋知影按怎來-- ê ；抑若稽考《臺語音外來語辭典》，有收「pún-pí（苯芘）」。 Pún-piân-pî/pī 🔗 https://www.facebook.com/share/p/1EFoavhZya/ 若興外來語，嘛是會當用「Bián-tsóo-pí-liân（免祖比聯，Benzopyrene）」。毋管 beh 唸 tó 一 ê 音，總--是愛捷講，這 ê 詞才有塊湠。